صفحۂ اول    ہمارے بارے میں    ہمارا رابطہ
جمعہ 20 جولائی 2018 

سی پیک کسی مداخلت سے متاثر نہیں ہو گا، چین

آن لائن | جمعرات 12 جولائی 2018 

بیجنگ (آن لائن)چین نے کہا ہے کہ سی پیک کسی بھی قسم کی مداخلت سے متاثر نہیں ہو گا،،سی پیک کے منصوبے فر یقین کے اتفاقِ رائے کے مطابق مستحکم انداز میں فروغ پائیں گے۔ چائنہ ریڈیو انٹرنیشنل کے مطابق چین کی وزارتِ خارجہ کی ترجمان ہوا چھون اینگ نے اس یقین کا اظہار کیا کہ چین پاک اقتصادی راہداری منصوبہ فریقین کے طے کردہ اتفاق رائے کے مطابق مستحکم طور پر فروغ پائے گا اور کسی بھی قسم کی مداخلت سے متاثر نہیں ہو گا۔حالیہ دنوں میں بعض مغربی ذرائع ابلاغ نے ایک پاکستانی اہلکار کے حوالے سے اطلاع دی ہے کہ اس وقت پاکستان کو قرضوں کے حجم میں نمایاں اضافے اور زرمبادلہ کے ذخائر میں کمی کا سامنا ہے۔امید ہے کہ چین پاکستان کو قرضہ دے گا بصورتِ دیگر پاکستان عالمی مالیاتی فنڈ سے دوبارہ امداد لے گا ۔اس سے چین پاک اقتصادی راہداری کے بعض منصوبے متاثر ہونے کا خدشہ ہے۔ہوا چھون اینگ نے مغربی ذرائع ابلاغ کی متعلقہ رپورٹ کو بے بنیاد قرار دیا ہے۔ گزشتہ روز پاکستانی وزیر خزانہ شمشاد اختر نے واضح طور پر کہا ہے کہ پاکستان سی پیک منصوبہ جات کو بھرپور فروغ دے گا۔انہوں نے کہا کہ چین کو اس بات کا احساس ہے کہ پاکستان کو زرمبادلہ کے ذخائر میں کمی کا سامنا ہے اور چین کو یقین ہے کہ پاکستان اس عارضی مشکل سے نکل کر مستحکم اقتصادی ترقی کو برقرار رکھے گا۔انہوں نے مزید کہا کہ حالیہ برسوں میں سی پیک نے پاکستانی معیشت کے فروغ میں مثبت کردار ادا کیا ہے ۔اس کو پاکستانی حکومت اور عوام کی بھرپور حمایت حاصل ہے۔

ہمارے بارے میں جاننے کے لئے نیچے دئیے گئے لنکس پر کلک کیجئے۔

ہمارے بارے میں   |   ضابطہ اخلاق   |   اشتہارات   |   ہم سے رابطہ کیجئے
© 2018 All Rights of Publications are Reserved by Daily Subh.
Developed by: SuperWebz.com
تمام مواد کے جملہ حقوق محفوظ ہیں © 2018 روزنامہ صبح۔